Gürcüstanın Marneuli rayonunda Gürcüstan və Azərbaycanın Müstəqillik Günlərinə həsr olunmuş futbol turniri keçirilib.

Gürcüstan Azərbaycanlıları İnteqrasiya Mərkəzinin (GAİM) təşkilatçılığı ilə baş tutan turnirdə müxtəlif komandalar iştirak ediblər.

Turnir GAİM-in kiçik yaşlı şagirdlərinin ifasında Azərbaycan və Gürcüstanın Dövlət himnlərinin səsləndirilməsi ilə başlayıb. Gərgin mübarizə şəraitində keçən turnirdə I yeri GAİM-in, II yeri Qızılhacılı idman məktəbinin, III yeri isə Bolnisi “Sabah” məktəbinin futbol komandaları tutub.

Turnirin bağlanış mərasimində çıxış edən GAİM-in icraçı direktoru Orxan Pirverdiyev qalibləri qələbə münasibətilə təbrik edib və gənc futbolçulara davamlı uğurlar arzulayıb.

Tədbir qaliblərə mükafatların təqdim olunması ilə yekunlaşıb.