Soydaşımız “Comərd ruh” nişanına layiq görülüb

28 Noyabr, 2019

Qazaxıstanın Şimkənd şəhərindəki Azərbaycan Mədəniyyət Mərkəzinin rəhbəri Natiq İbrahimov “Comərd ruh” ("Jomart jan") mükafatına layiq görülüb.

Qazaxıstan Xalqı Assambleyasının (QXA) bu qərarı qəbul etməsinin səbəbi soydaşımızın rəhbərlik etdiyi mərkəzin şəhərin ictimai-siyasi, humanitar və mədəni həyatında fəal iştirak etməsi, icmalararası münasibətlərin inkişafına töhfələr verməsi ilə əlaqədardır.

Nur-Sultan şəhərindəki Sülh Sarayıda keçirilən təntənəli tədbir zamanı “Comərd ruh” nişanı Natiq İbrahimova QXA-nın sədr müavini, Assambleyanın Katibliyinin müdiri Janseit Tuymebayev tərəfindən təqdim olunub.

Soydaşımızı təbrik edir və gələcək fəaliyyətində uğurlar arzulayırıq.